Милан се врати на тронот на италијанскиот фудбал, а паралелно со одличната работа со првата екипа „росонерите“ одлично ја развиваат и младинската школа. Таму Милан има суперталент во своите редови, 14-годишно момче по име Франческо Камарда кое е страв и трепет во лигата за неговата возрасна граница.
Имено, тој веќе има неверојатни 500 голови зад своето име, со фантастичен просек од 5,5 погодоци по натпревар.
Талентот е несомнен, па тренерот на У18 екипата на Милан, Игнацио Абате, реши да го вклучи Камарда во неговата екипа.
„Тој е чудо од дете, не треба да троши време играјќи со свои врсници. Верувам дека ќе успее да блесне и во У18 конкуренцијата, но дефинитивно ќе треба да продолжи да работи и да се развива“, изјави Абате.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
