Мемфис Депај ќе пристигне во Милано, но не како ново засилување на Интер, туку најверојатно ќе потпише договор со градскиот ривал Милан. Раководството на „росонерите“ реагираше побрзо и успеа да го договори трансферот на Холанѓанецот. Тој беше голема желба на Лучијано Спалети, тренерот на Интер, но очигледно дека Милан ќе му го „украде“ пред нос и ќе го доведе на „Сан Сиро“.
Според италијанските медиуми, Депај ќе потпише петгодишен договор со Милан, а ќе заработува 4,5 милиони евра по сезона. Лион треба да добие отштета од 40 милиони евра.
Холандскиот фудбалер пред една и пол година од Манчестер јунајтед пристигна во Лион и на 51 одиграни натпревари постигна 22 гола и имаше 17 асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
