Македонската репрезентација ги продолжува подготовките за квалификацискиот натпревар за ЕП 2024 против Украина на 16. јуни (петок) на националната арена „Тодор Проески“ во Скопје.
Максимална позитивно е расположението меѓу македонските репрезентативци кои веруваат дека може Македонија да одигра квалитетни средби без разлика на тоа што играме против изразити фаворити.
„Атмосферата е одлична, сите сме мотивирани кога сме во националниот дрес, сакаме да направиме нов успех и убеден сум дека заеднички ќе се бориме за тоа. Украина е силна репрезентација со фудбалери кои играат во големи клубови, но ние играме на домашен терен, очекуваме поддршка од публиката и верувам дека можеме да оствариме позитивен резултат“ – вели офанзивецот Милан Ристовски и дополнува:
„Против Украина игравме на Европското првенство, но мислам дека ова ќе биде сосема поинаков натпревар, иако се разбира дека одредени анализи ќе користиме и од тој наш меѓусебен меч. Во оваа фаза од подготовките претежно се базираме на тактички работи, ја враќаме свежината и се надевам дека максимално ќе одговориме на задачите на селекторот“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
