Милан постигна договор со својот дефанзивец Матео Габија за продолжување на договорот до летото 2029 година. Така, три години ќе бидат додадени на актуелниот договор меѓу двете страни, кој е до 2026 година. Покрај тоа, платата на 25-годишниот играч ќе биде двојно зголемена на 2,2 милиони евра по сезона.
Габија потекнува од младинската школа на Милан, а досега за првиот тим на клубот одиграл вкупно 83 натпревари со 5 гола и 1 асистенција. Пред еден месец тој за прв пат доби повик за репрезентацијата на Италија. Во тековната сезона, дефанзивецот има седум натпревари во сите натпреварувања, на кои постигна еден гол во победата од 2:1 во дербито со Интер.
Тој ги пропушти последните четири натпревари на „росонерите“ поради повреда, но сега се опорави од неа и ќе му биде на располагање на тренерот Пауло Фонсека за саботниот дуел со Јувентус .
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
