Поранешниот фудбалер на Милан, Емерсон Ројал, потпиша договор со Фламенго до 2028 година.
„Фудбалскиот клуб Милан објавува дека Емерсон се преселил во Фламенго. Росонерите му се заблагодаруваат на Емерсон и му посакуваат се најдобро“, се вели во денешното соопштение за медиумите на Милан.
Како што објавија италијанските медиуми, 26-годишниот бразилски дефанзивен фудбалер потпиша договор до 2028 година, со можност за продолжување на соработката за уште 12 месеци.
Некои медиуми објавија дека трансферот е вреден девет милиони евра. Емерсон минатата година се пресели од Тотенхем во Милан, за кој одигра 26 натпревари и не постигна гол.
Во текот на својата кариера играше за Понте Прета, Атлетико Минеиро, Барселона и двапати како позајмен играч за Бетис.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
