После освојување на Супер-Купот на Италија и двете победи против Јувентус и против Интер и импресивното деби на тренерот Серџо Консеисао, Милан продолжи да се брука во Серија „А“. На домашен терен вечерва освои само бод против Каљари, екипа која се бори да го избегне долниот дел на табелата.
Долго време Милан се мачеше да дојде до предност, а кога до него дојде, дозволи противникот веднаш да се врати со погодок, и да не му дозволи на домашниот тим да дојде до победата.
Мората во 51. минута донесе предност за домашните на голема радост. И кога се чинеше дека Милан тргнува по победата, следуваше шок по голот на Зортеа во 55. минута од средбата.
До крајот Милан се обиде да дојде до сите три бода, но не успеа во намерата. Херој на мечот е голманот на Каљари, Каприле кој го одбрани и ударот во финишот на Хернандез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
