Олимпија Милано составува одличен тим за наредната натпреварувачка сезона, откако италијанскиот суперлигаш веќе комплетираше неколку одлични трансфери.
Македонскиот репрезентативец Ненад Димитријевиќ во следната сезона ќе биде прв плејмејкер во тимот на Еторе Месина, кој во текот на вчерашниот ден го комплетираше и трансферот на Џош Нибо од Макаби, а денеска Милано официјализираше уште едно големо засилување. Зек Ледеј се враќа назад во клубот во кој настапуваше во сезоната 2020/21, како големо засилување по трите сезони што американскиот крилен центар ги мина како еден од клучните играчи во таборот на Партизан.
Договорот со Ледеј е потпишан на две години, со можност за продолжување на соработката за уште една дополнителна сезона.
Ehi Zach! Welcome Back! 🎒💪🏻#insieme #ForzaOlimpia pic.twitter.com/2nJGJbVnlS
— Olimpia Milano (@OlimpiaMI1936) June 25, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
