Урош Луковиќ долги години беше миленик на навивачите на Кумановo по неколкуте фантастични години во дресот на овој македонски клуб, по што српскиот центар сезоната 2015/16 ја мина во МЗТ Скопје, од каде следеа трансфери во Партизан и во Морнар.
Доминантниот центар кариерата ја продолжува во Хрваска, откако денеска потпиша договор со екипата на Задар. Хрватскиот тим беше во потрага по квалитетно засилување во рекетот, а изборот падна токму врз Луковиќ, кој стави потпис на едногодишниот договор со оваа екипа.
Урош Луковиќ со 239 блокади е втор најдобар блокер во историјата на АБА-лигата. Минатата сезона тој немаше преголема минутажа во Морнар, во просек на теренот минуваше по 12 минути на натпревар во АБА-лигата, притоа реализирајќи 5,3 поени и 4 скокови по натпревар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
