Македонската репрезентација ја совлада Ерменија на контролниот натпревар одигран во Струмица со 3-1. Можеби не ја надигра во целост, но избраниците на Благоја Милевски ги искористија шансите и дојдоа до убедлив триумф.
Селекторот на „црвено-жолтите“ Боби Милевски по мечот вели дека е задоволен од тоа што го прикажаа сите фудбалери.
„Морам да бидам не само задоволен туку и среќен за момците кои го стартуваа овој меч. Осум нови играчи од мечот со Украина и двајца дебитанти. Морам да кажам дека сум презадоволен за тоа што го покажаа на теренот и покажаа дека со право се тука и со право ќе бидат и во иднина бидејќи имаат квалитет и во следните натпревари“ вели Милевски.
За целиот циклус и мечевите во септември и октомври селекторот вели…
„Фудбалерите и ростерот е тој што го имаме според мое мислење и мислењето на мојот стручен штаб. Тоа е тоа што го има Македонија во моментов, плус уште еден двајца фудбалери. Без разлика што се работи за пријателска, Ерменија е и тоа како квалитетен противник и затоа против нив сакав да видам на кого можеме да сметаме. Ова се момците што ги имаме и мислам дека од меч во меч покажуваат се поголем квалитет. На сите нас е да ја зачуваме таа енергија“, заврши Милевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
