Фуксе Берлин ќе го предизвика Магдебург во финалето на новоформираната Лига на Европа, откако во вториот полуфинален дуел славеше над Рајн Некар Левен со 32-35. Ракометарите од главниот град на Германија го контролираа мечот уште од самиот старт, па на пауза заминаа со предност од 16-19.
Во вториот дел одличен на голот беше Дејан Милосављев кој во неколку наврати не дозволи противникот целосно да се врати во мечот.
Ласе Андерсон со 11 гола беше најпрецизен кај победникот, а одличен на голот беше Милосављев кој забележа 15 одбрани. Кај поразените Џери Толбринг постигна седум гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
