Кошаркарите на Минесота ги загубија претходните две средби во Оклахома Сити на стартот од финалната серија во Западната конференција, но „волците“ го искористија тоа како дополнителен мотив – за на првиот домашен меч да го демолираат тимот што беше прв носител на „западот“ со преубедливи 42 поени разлика.
Негативата е преполовена откако првиот меч во Минеаполис мина во апсолутна доминација на домашниот тим, кој триумфираше со неверојатни 143-101. Убедливиот триумф беше најавен уште во првата четвртина што Минесота ја доби со 34-14, а домаќините продолжија да доминираат и во вториот период, добивајќи го со 38-27. Победата практично беше осигурана за едно полувреме, но домаќините не застанаа, напротив – продолжија да доминираат на теренот и заслужено стигнаа до убедлива победа што дефинитивно ќе им ја зголеми самодовербата пред наредните натпревари од оваа финална серија.
Една од причините за фијаското на гостите е катастрофалното издание на Гилџус Александер, кој имаше само два поени во периодот кога Минесота ја создаваше големата предност. МВП-кошаркарот за оваа сезона стигна до 14 поени, в0општо не влезе во игра во последната четвртина.Убедливо најдобар поединец кај Минесота беше Едвардс со 30 поени, 9 скокови и 6 асистенции, а значаен придонес за победата даде и Рендл со 24 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
