Младата македонска футсал репрезентација до 19 години во еден интересен и возбудлив натпревар забележа минимален пораз од селекцијата на Словенија со 3-2 на силниот меѓународен турнир „Истра Куп 2024″, кој се одржува во Умаг, Хрватска.
Нашите футсал фудбалери имаа предност од 2-1 и три извонредни можности за зголемување на предноста, но на крајот противникот успеа да направи комплетен пресврт и да ја забележи првата победа во рамките на првото коло од турнирот.
Капитенот Гавровски и Стоимировски се запишаа во листата на стрелци за Македонија на овој натпревар.
Во второто коло од меѓународен турнир „Истра Куп 2024″, младата футсал репрезентација на Македонија ќе ги одмери силите со домаќинот, селекцијата на Хрватска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
