Женската ракометна репрезентација на Македонија во комбиниран состав загуби минимално на првиот од двата тест дуели против Турција во Анкара.
Избраничките на селекторот Љубомир Савевски загубија денеска со 24-25 од Турчинките на мечот на кој на полувреме имаа два гола негатива (11-13).
Македонија во Анкара настапува со подмладена селекција составена главно од ракометарки од домашното првенство, а без капитенот Елена Ѓорѓиевска како и Симона Маџовска, Моника Јанеска, Леонида Гичевска, Ива Божиновска, Анастасија Николовска, Емилијана Ризоска и голманките Матеа Чурлиновска и Марија Јовановска.
Македонија во Турција се подготвува за бараж-пресметката со Украина на 8. и 11. април против Украина за пласман на СП 2023. Вториот пријателски натпревар со Турција се игра во сабота.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
