На сагата за трансфер на Никола Миротиќ во Партизан и дојде крајот откако поранешниот шпански репрезентативец со црногорско потекло се огласи на социјалите мрежи негирајќи го преминот во редовите на „црно-белите“.
Миротиќ неодмана стана слободен играч откако Барселона го раскина неговиот договор поради финансиски потешкотии, а во моментот кога сите го очекуваа официјализирањето на трансферот во Белград тој ја отфрли можноста поради закани на кои не сака да ја исложи својата фамилија.
„Почитувани, целиот мој живот го посветив на потрагата по вистината и фер однос кон сите и се. Тоа е трнлив пат кој бара посветеност и верност, исто како што и дадов голем дел од мојот живот на кошарката обидувајќи се да бидам добар во неа и секогаш да играм како дел од тимот. Навистина, кошарката стана дел од мојот живот, но како игра, како желба постојано да се подобрувам и да се надградувам себеси. Така едното влијае на другото, развојот на кошарката како игра и развојот и растот на мојата личност.
Сакам да го продолжам тој пат. Сакам да играм кошарка и се радувам на мојата игра. Сакам и моето семејство да ја сподели таа радост.
Сепак, со недели излегуваат различни информации за мене и за продолжението на мојата кариера. Против моја волја и желба и без мое знаење и секако далеку од вистината се објавуваат случајно напишани текстови. Некои од нив беа имагинации и произволни заклучоци на поединци и медиуми и сето тоа предизвика големо внимание, што јас и моето семејство не го сакавме. Како што излегоа во јавноста одредени информации за натамошното продолжување на мојата кариера во КК „Партизан“, почнаа заканите и навредите кои многу ме изненадија и ме повредија, бидејќи не сакам да бидам личност која ќе ги дели луѓето по која било основа, а камоли по боите на клубот. Решив да не бидам дел од таква атмосфера и дека не сакам да се изложувам себеси или моето семејство на дополнителни непријатности. Да бидам искрен, морам да напоменам дека ниту една закана не дојде од таборот на КК „Црвена звезда“ и дека со нив секогаш имам добра комуникација и полна со почит. Исто така, сакам да истакнам дека мојата желба да играм за тимот во Србија не беше условена од финансиските понуди или боите на некој клуб, бидејќи сакав да играм во земјата што ја сакам, но работите едноставно не одеа во таа насока. Сакам да му се заблагодарам на КК „Партизан“ за довербата и желбата да бидам дел од нивниот тим, но сепак донесов одлука дека најдобро е за мене и за моето семејство да ја продолжам кариерата во некој од европските тимови надвор од Србија“, стои во соопштението на Миротиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
