Никола Миротиќ одигра одличен меч во полуфиналето против Реал Мадрид, реализирајќи 26 поени, 12 скокови и пет асистенции, но и тоа беше недоволно за Барса да слави над „кралевите“ и да се пласира во големото финале.
Црногорецот со шпански пасош беше меѓу најразочараните по дуелот во Белград, потенцирајќи ја главната слабост на овој состав на Барселона.
„Искрено, ништо ново од нас. Имавме голема шанса за победа, во еден момент и од 13 поени, но не бевме подготвени да ја задржиме. Ни недостига константност, да бидеме подобри како екипа. Кога водиме со 10, тие натпревари да ги добиваме со 20 поени предност. Не знам од која причина, но секогаш дозволуваме противниците да ни се вратат кога сме толку блиску до победата. Нема сомнеж, ова ни е најтежок пораз сезонава, навистина штета што нема да се бориме за трофејот“, изјави Миротиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
