ЕКИПА во Хернинг,
Стеван Цаневски
Во македонскиот состав за денешниот прв натпревар на Европското првенство против Данците не беа искусните Никола Митревски и Жарко Пешевски.
Селекторот Кире Лазаров по мечот информираше дека и голманот Митревски и Пешевски не биле во тимот поради ситни повреди со кои не се сакало да се ризикува.
„Митревски и Пешевски имаат ситни проблеми со повреда и заедно со медицинскиот тим и тренерите моравме да ги поштедиме. Се надевам дека за овие два дена ќе ги рехабилитираме и ќе ни бидат на располагање со Португалија. Со нив сигурно ќе бидеме и подобри. Да беа здрави сигурно ќе беа во составот бидејќи тоа се одлични играчи со добра сезона и се надевам дека во недела ќе бидат дел од составот“ – информираше селекторот Лазаров.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
