Димитар Митровски имаше повеќе од квалитетна партија во победата на Македонија од 3-1 против Ерменија на тестот во Струмица.
Фудбалерот од средниот ред на хрватски Вараждин потврди дека и тоа како може да се смета на него во иднина како опција за националниот тим, нагласувајќи го сопствениот потенцијал.
„Задоволен сум пред се од победата против една одлична селекција како Ерменија. Но, задоволен сум и од своето деби во репрезентацијата, чест и задоволство е секогаш кога се настапува во националниот дрес, па верувам дека во иднина ќе има и уште подобри изданија“ – ни изјави Митровски по дуелот во Струмица, веднаш дополнувајќи:
„Ова беше натпревар и за селекторот да провери фудбалери кои се со помала минутажа во репрезентацијата. Мислам дека сите одигравме навистина добро, доминиравме во текот на целиот меч и тоа е најважно. Секако победата е исто така важна затоа што сакаме да победуваме без разлика да се работи за натпревар од пријателски карактер“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
