Македонската кикбокс Маитаи федерацијат успешно го заврши националното првенство кое се одржа изминативе денови уште еднаш потврдувајќи дека е најмасовната домашна спортска федерација и издвоен национален спорт број еден во Македонија.
На првенството учествуваа 29 кикбокс клубови од Македонија со 378 натпреварувачи во вкупно 458 дисциплини.
Најброен и најуспешен клуб на првенството е КБК Шампион од Скопје, пред КБК Гладијатор од Скопје.
„Нашата федерација е во постојан пораст со огромен напредок кај голем број борци. Со огромен прилив на постојани нови членови притоа и со голема интенција за раѓање на нови шампиони кои ќе ја претставуваат нашата земја во меѓународни спортски води. Многу од нив на ова национално првенство покажаа одличен квалитет и подготвеност. Ни претстои уште многу работа и учества на многу турнири надвор од нашата земја како би ги подготвиле младите спортисти за вистинските меѓународни предизвици“ – вели првиот човек на Кикбокс маитаи федерацијата, Дејан Митровски – Урко.
Претседателот Митровски дополнува дека сите тие учества на интернационалната сцена зависат и од поддршката на државните институции за младите спортисти.
„Нашите учества на меѓународните првенства непосредно зависат од поддршката и средствата добиени од нашето Министерството за спорт. Јас искрено се надевам дека Министерството за спорт оваа година ќе биде објективно и ќе помогне кик боксот да ги добие потребните средства, како и во изминатите години, како би можеле да ги реализираме нашите зацртани цели и очекувања на меѓународно поле предвидени во оваа година. Со години наназад кикбоксот секогаш ги оправдувал добиените средства и никогаш не сме разочарале со постигнатите резултати. Ветуваме дека оваа година ќе го потврдиме и надминеме успехот од минатата година кој го постигнавме кога бевме најуспешна и најтрофејна федерација во Македонија, со донесени од официјалните меѓународни првенства: две злата и едно сребро од светско јуниорско, едно злато и бронза од европско сениорско и 9 злата, 12 сребра и 11 бронзи од балканско то сениорскои јуниорско првенство. На сите овие резултати од страна на Министерството за спорт не добивме можност за прием и без објаснување не бевме вреднувани соодветно според заслуженото за постигнатиот успех како најуспешна федерација во нашата земја“.
Македонскиот кикбокс во минатото носел голем број одликувања за Македонија, а Митровски верува дека така ќе биде и понатаму.
„Македонските кикбоксери не се задоволуваат само со учество и добро прикажани борби, туку единствено со победи кои водат до злато и до врвот на секое натпреварување. Меѓународните натпревари се еден вид спортска војна меѓу земјите. Јасно е дека ‘спортските војници’ на спортски настан се испракаат обезбедувајќи ги со соодветна спортска опрема и максимални пропратни услови за учество на тие настани, и секако дополнително мотивирани својата земја да ја приказат во најдобро светло постигнувајќи врвни резултати и победи. Преку интонациите на државната химна се величи и промовира здравата нација и спортската моќ на една земја. Бројката на кандидати за во нашата репрезентација расте и оваа година. Можам слободно да ветам повеќе златни одлкувања на престојните европски и светски првенства, и дека кик боксот и оваа година ќе биде најуспешен национален спорт“ – истакнува Дејан Митровски – Урко.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
