Младинската екипа на Еурофарм Пелистер се пласираше во финалето на квалификацискиот турнир за пласман во Ф4 во Лигата на шампионите. Младинците на битолскиот тим имаа моќно издание против полскиот Киелце, и победија со 37-29.
Пелистерци во голема мера го решија прашањето околу победникот уште по првиот дел, кога водеа со +11 (22-11), а во вториот дел само формално ја обработија задачата. Киелце не успеа да стигне до голема сензација и до голем пресврт, односно најмногу што се доближија е осум разлика.
Хаџиќ во победничкиот тим постигна 14 голови и беше херој, а неколку одлични одбрани имаше Фехми. Полскиот тим направи многу грешки, а кога веќе победникот беше решен, тренерот на македонскиот тим Мемиќ ги повлече најдобрите ракометари, за да ги поштеди од умор пред финалето.
Противник на македонскиот тим во финалето и во битката за пласман на завршниот турнир во Келн ќе биде победникот од дуелот меѓу Динамо Букурешт и Висла Плоцк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
