Во Младинската Супер лига на Македонија се води неизвесна борба за освојување на шампионската титула.
Актуелниот првак Работнички во меч од 17. коло го совлада Арсими со 2:0 и во моментов има само еден бод помалку во однос на лидерот АП Брера, која вчера во дербито триумфираше над Вардар со 4:1.
Фудбалерите на Работнички до победата дојдоа со двата погодоци постигнати во второто полувреме. Во 55. минута Нарт Усеини ми донесе предност на домаќинот од 1:0, а само шест минути подоцна Кренар Хоти го постави конечниот резултат.
Во останатите натпревари од денешната програма Охрид Лихнидос го декласираше Тиквеш совладувајќи го со 7:0, тетовска Шкендија исто така беше убедлива во дуелот против Струга Трим Лум и забележа победа од 7:1.
Шкупи славеше над Тетекс со 3:0, Њу Старс ја совлада Брегалница Штип со 2:1 додека Пелистер на домашен терен триумфираше над Башкими со 5:2.
Вчера во дербито АП Брера како гостин го совлада Вардар со 4:1, а Македонија ЃП забележа победа од 11:0 во соочувањето со Скопје.
Во моментов на чело на табелата со 46 бода и натпревар помалку е АП Брера, Работнички е втор со 45 додека на третата позиција исто така со еден меч помалку е Вардар со 39 освоени бода. Последна во кругот на фаворити за освојување на шампионската титула е Македонија ЃП која по 17 одиграни средби има 37 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
