Фудбалскиот клуб чиј сопственик е Дејвид Бекам, а кој ќе биде дел од МЛС – лигата во САД се вика Интер Мајами. На промоцијата беше објавено и логото кое е во три бои и со седум зраци кои ја симболизираат кариерата на поранешниот капитен на Англија.
Клубот ќе почне да се натпреварува во 2020 година откако ќе добие продолжен договор во јануари.
„Ова е ден за гордост. И за мене и за целиот тим. Направивме големи чекори за да го етаблираме клубот и овој ден ќе бие значаен за неговата историја“ – изјави Бекам на промоцијата.
Новиот клуб на Бекам привлекува големо внимание во Мајами, а логото на клубот се појави на насловната страница на денешното издание на „Мајами Хералд“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА