Лука Модриќ ги одигра последните дваесетина минути од Интерконтиненталниот куп меѓу Реал Мадрид и Пачука, по што хрватскиот ветеран како капитен го крена и пехарот во ова натпреварување.
Со тоа, Модриќ се искачи како осамен на врвот на најтрофејни фудбалери во историјата на Реал Мадрид. Тој имаше по 27 пехари како член на Реал, исто колку и Дани Карвахал, но десниот бек поради повреда не настапи на вчерашниот дуел, па Модриќ сега со 28 трофеи е прворангиран на оваа листа.
Она што е интересно, Лука дојде во Мадрид на 27-годишна возраст од Тотенхем, клуб со кој немаше ниту еден пехар, но хрватскиот генијалец како член на Реал се издигна во еден од најдобрите фудбалери на својата позиција во светскиот фудбал.
Luka Modric left Spurs at the age of 27 with 0 major trophies with them only to go win 28 major trophies, a Ballon d’Or, leading Croatia to historic World Cup finishes and still perform on the biggest stage at the age of 39. This is greatness. pic.twitter.com/Kltc6X7s7y
— TC (@totalcristiano) December 18, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
