Лука Модриќ одигра уште еден одличен натпревар во дресот на Реал Мадрид. Хрватот по три натпревари на клупата се најде меѓу почетната постава и довербата на Анчелоти ја искористи на фантастичен начин предводејќи го својот тим до победа од 4-0.
Хрватот не забележа гол ни асистениција, но доби најголема оцена за настапот па беше прогласен и за играч на натпреварот. Искусниот фудбалер имаше осум клучни додавања, две креирани големи шанси и седум од осум добиени дуели. Притоа импресираше и со потези за што доби овации од навивачите.
— Ele (@EleModric) March 10, 2024
Модриќ беше тема на разговор и за Карло Анчелоти по крајот на натпреварот, а италијанскиот стратег имаше пофални зборови.
„Модриќ одигра врвен натпревар. Морам да ви кажам, навивачите не му ракоплескаат поради тоа што мислат дека ова се неговите последни натпревари во Реал, туку поради неговата игра“, изјави Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
