Реал Марид доживеа уште еден дебакл од Барселона, овој пат во финалето на Суперкупот на Шпанија, натпревар кој „кралскиот тим“ го загуби со преубедливи 2-5.
Дебаклот го прокоментира капитенот на Реал Мадрид, Лука Модриќ кој вели дека неговиот тим ќе знае да одговори по ваков убедлив пораз, но и дека фудбалерите мораат да покажа заедништво.
„Не очекувавме дека ќе загубиме на овој начин, но тоа е фудбалот. Верувам дека ќе знаеме како да реагираме по ваков тежок пораз. Мораме да останеме обединети бидејќи долга е сезоната.
Ако веќе губиме трофеј во некое натпреварување, тогаш подобро е да загубиме во Суперкупот, но никогаш не е лесно да загубиш од ривал. Треба да и честитаме на Барселона бидејќи одигра многу добар натпревар и беше подобра. Мора да продолжиме да работиме и да го поправиме тоа што го направивме лошо“, вели Модриќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
