Во понеделникот, Лука Модриќ одигра уште една маестрална игра во дресот на Хрватска, во вторникот се појави на судењето на Здравко Мамиќ како сведок, а вчера требаше да помине лекарски преглед во Загреб пред да потпише за Милан. Сепак, медицинските прегледи изостанаа.
Легендарниот Хрват го напушта Реал Мадрид по 13 години. Има бројни понуди на маса и без оглед на тоа што за неколку месеци ќе влезе во својата петта деценија, може да избере каде ќе игра. Во изминатите неколку дена, преговорите со Милан значително се интензивираа и се чинеше дека сè е завршено. Сепак, во последен момент играчот од средниот ред одлучи да ги промени своите планови.
Италијанските медиуми утрово ја објавија веста дека лекарскиот преглед договорен меѓу Милан и Модриќ не успеал. Модриќ учтиво им објаснил на претставниците од Милан дека сè уште не може да помине лекарски преглед бидејќи е член на Реал Мадрид и дека не може да го стори тоа од почит кон „кралевите“.
Наскоро се очекува Хрватот да настапи со Реал на Светското клупско првенство, што ќе биде можност за него да освои нов трофеј и последен во дресот на тимот од Мадрид. Реал е клубот на неговиот живот, таму помина речиси деценија и пол, сонуваше да ја заврши кариерата на „Сантијаго Бернабеу“, па затоа првото „не“ не е изненадување за Милан.
Според медиумите од Апенините, „зделката“ на Милан и Модриќ не е неуспешна, „росонерите“ се сигурни дека освојувачот на „Златната топка“ им го дал својот збор и дека ќе го одржи откако ќе ги заврши настапите во САД. Сепак, како што работите се менуваат на фудбалскиот пазар од ден на ден, дефинитивно не треба да се исклучи одредена загриженост дека сè може да пропадне.
Модриќ се најде на списокот на поканети играчи на Чаби Алонсо и ќе патува во САД. „Кралевите“ ќе го играат својот прв натпревар на 18 јуни, а противникот ќе биде Ал Хилал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
