Лука Модриќ по 13 години минати во кралскиот клуб се прости од Реал Мадрид.
Неговата ера во Реал заврши со пораз од 4-0 од ПСЖ во полуфиналето на Светското клупско првенство, а кариерата ќе ја продолжи во Милан.
Модриќ се врати во Мадрид со соиграчите и се прости од клубот и тимот, а италијанската „Газета дело Спорт“, ги открива деталите од трансферот во италијанскиот гигант:
„Лука Модриќ ќе дојде во Милан на почетокот на неделата на лекарски преглед и ќе потпише договор со Милан. Тоа ќе биде негов прв официјален чин како играч на Милан. После тоа ќе замине на одмор. Планот е да го претставиме Модриќ дури откако ќе се врати во Италија, најверојатно на почетокот на август“, пишува „Газета дело спорт“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
