Вардар беше толку блиску до сензација, а на крајот сепак доживеа елиминација од Копенхаген, откако загуби во Данска со 4-1. Македонскиот првак имаше резултат (2-1) што го носеше во следната рунда на 15 минути до крајот, и играч повеќе на теренот, по исклучувањето на Јан Грегуш во 72.минута. И само три минути подоцна дозволи да направи катастрофална грешка во одбраната, дозволувајќи му на Федерико Сантандер да си постигне лесен гол со удар со глава во петерецот на „црвено-црните“.
Клучниот момент се случи во 75.минута. Идејата на Гоце Седлоски да ја удвои левата страна на ФК Копенхаген со два бека еден пред друг, Брдаровски пред Хамбарџумјан, не даде резултат. Во моментите кога веќе Вардар имаше играч повеќе на теренот, беше дозволено левиот бек Бенгтсон да остане непокриен на својата страна, тој испрати центаршут во петерецот, на кој голманот Гачевски и најтесната одбрана на Вардар реагираа катастрофално.
Гачевски несфатливо остана ‘закопан’ во место на првиот дирек, топката го прелета и падна на три метри, на средината од голот, што секако е неприкосновена голманска територија, a стоперот Евгениј Новак ниту реагираше на топката, ниту пак се потруди да го загради Федерико Сантандер, кој непречено со два чекори стигна до вистинската позиција и се ‘поклони’ за 3-1.
Goal Santander Copenhagen 3-1 Vardar by hdlivegoals
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
