Фудбалерите на Монако ја продолжија „црната серија“ што сега изнесува три натпревари без триумф, со што „кнезовите“ дефинитивно губат здив во трката за највисок пласман во францускиот шампионат.
По ремито со Ремс и поразот на домашен терен од ПСЖ, тимот на Монако вечерва освои само бод и на гостувањето против Нант, интересен дуел што заврши без победник, 2-2.
„Кнезовите“ можат да бидат и задоволни од ваквиот исход, ако се знае дека на почетокот од второто полувреме се најдоа во негатива од два гола, кога Амијан стрелаше прецизно за 2-0.
Монако успеа да се врати за само осум минути, преку Емболо и Салису, гостите се обидоа да постигнат и трет гол, но не успеаја, па овој интересен натпревар заврши со поделба на бодовите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
