Пет голови и одличен натпревар на стадионот „Бенито Стирпе“ во Фросиноне, каде што домашниот тим е поразен од Монца со 2-3. Иако натпреварот отиде во еден правец, во правец на Монца која водеше со 0-3, сепак, на крајот гостите стравуваа за победата, со оглед дека домашните со два брзи гола го направија финишот неизвесен.
Дани Мота во 18. минута донесе гостинска предност, која ја зголеми Карбони во 45. минута. Соуле со автогол го „даруваше“ тимот на Монца, носејќи му предност од 0-3.
Харуи намали на 1-3 во 56. минута, а домашните играчи намалија во 75. минута со гол од пенал на Соуле. Сепак, на крајот гостите се одбранија и така ги освоија бодовите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
