Српските кошаркари слетаа на белградскиот аеродром „Никола Тесла“ околу 13 часот со бронза околу вратот, а само неколку часа подоцна Никола Јокиќ беше фотографиран на хиподромот во Сомбор. Не е тајна дека српскиот центар сака коњи и ужива во коњичките спортови, па веднаш се упати кон патеката да ужива.
Камерите веднаш го уловија со пиво во рака. Тој продолжува со прославата започната во Париз. По победата против Германија, српските кошаркари го прославија својот голем успех, пееја, танцуваа, па во таа состојба мораа да присуствуваат на доделувањето на медалите. Не им беше лесно на подиумот, но успеаја да издржат и да го завршат задолжителниот дел.
Тие пристигнаа во Белград еден ден подоцна, Јокиќ прв го напушти аеродромот, а сега е јасно каде отиде. Директно во Сомбор на коњички спортови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
