Марко Асенсио ја прифати понудата на Фенербахче и најверојатно ќе ја продолжи кариерата во турскиот гигант под водство на Жозе Мурињо. Истанбулскиот клуб постигна договор и со неговиот клуб ПСЖ.
Според информациите во Турција, Фенербахче ќе плати 15 милиони евра за Шпанецот, а поранешниот играч на Реал Мадрид ќе добива 12 милиони евра годишна плата. „Жолтите Канаринци“ веќе го очекуваат Асенсио во Истанбул за прегледи и потпишување.
Шпанецот ја помина минатата сезона на позајмица во Астон Вила, каде што се покажа добро, имајќи 21 настап, постигнувајќи осум гола и задавајќи една асистенција. Сепак, тој не беше дел од плановите на Луис Енрике, и покрај тоа што имаше уште една година од договорот со Пари Сен Жермен. Интер и Милан исто така беа заинтересирани за него.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
