Тренерот на Рома Жозе Мурињо, би можел да се соочи со казна, откако било откриено дека ги прекршил ковид протоколите пред дуелот Рома – Милан. Тој влегол во својата соблекувална, и притоа одбил да ги мине сите проверки и протоколи.
Мурињо бил пријавен од полицијата поради неговиот потег. Според сегашните прописи, тимовите мора да дојдат на стадионот и да влезат на терен во два различни моменти, за да немаат никаков контакт меѓу себе. Меѓутоа Мурињо наредил на возачот на Рома да го отвори автобусот и да го пушти додека фудбалерите на Милан минувале низ задолжителните контроли. Мурињо влегол во соблекувалните со лекарот на Рома и покрај тоа што полицијата го предупредила да почека надвор и да ги мине контролите. Тој тоа не го сторил.
Неговиот тим претрпе пораз од Милан со 1:2, што на Мурињо беше прв домашен пораз во Серија „А“ по долго време.
Веднаш била превземена акција против тренерот, и сега се очекува да биде казнет.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
