Рома повторно направи кикс откако на домашен терен не успеа да го скрши отпорот на незгодната Болоња, па на крајот дуелот заврши без голови 0-0.
Meнаџерот на Рома, Жозе Мурињо не ја криеше својата лутина поради ситуација која се случи на еден друг натпревар.
За разлика од Рома, нивниот градски ривал Лацио славеше со 4-3 на гости кај Специја, па сега двата римски тима имаат по 59 бодови и се во „мртва трка“ за местата кои водат излез во натпреварувањата на УЕФА за следната сезона.
Мурињо вели дека 22 години е во фудбалот и дека многу работи се менуваат, но фактички ништо посебно не се менува. Португалскиот стратег обвини дека Лацио до победата над Специја стигнал со гол постигнат од офсајд.
„Ништо не е сменето. Цели 22 години сум тренер и уште ништо не е сменето. Многу работи се менуваат во фудбалот, но во основа нема ништо сменето. И по 22 години уште можеш да победиш меч со гол постигнат од офсајд. Така беше кога почнував, така е и сега. Во ова коло се случи тим да победи со гол постигнат од офсајд“, луто изјави Мурињо.
Од фотографиите кои се појавија на социјалите мрежи, сугестијата е дека Ачерби од Лацио бил во недозволена позиција, но судиите не реагираа, исто како и арбитрите во ВАР собата. Токму Ачерби беше стрелец на голот за победа на Лацио на гостувањето кај Специја и тоа во 90 минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
