Менаџерот на Манчестер јунајтед, Жозе Мурињо, планира да остане на клупата на „црвените ѓаволи“ уште 15 години и да остави трага во клубот како легендарниот Алекс Фергусон.
Португалецот минатото лето стигна на „Олд Трафорд“ и веќе во првата сезона освои три трофеи со Манчестер јунајтед – Лига Европа, Лига Куп и Комјунити Шилд.
„Подготвен сум за таков предизвик, да бидам уште 15 години во Манчестер јунајтед. Сакам да останам толку. Зошто да не“ – изјави Мурињо за британските медиуми.
На клупата на Манчестер јунајтед, Мурињо дојде како наследник на неуспешните менаџери Дејвид Мојес и Луј ван Гал кои го водеа тимот по 27-годишната ера под водство на Алекс Фергусон.
„Кариерата на Алекс Фергусон е единствена. Мислам дека никој не може да ја достигне и да води еден ист клуб толку години, па дури ни да биде во иста лига. Последен со слична приказна е Арсен Венгер, но во модерниот фудбал тоа повеќе го нема. Ако имаш успех остануваш, ако не си одиш“ – вели Мурињо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
