Менаџерот на Манчестер јунајтед, Жозе Мурињо, е импресиониран од игрите на рускиот репрезентативец Александар Головин и испрати понуда вредна 15 милиони фунти до ЦСКА Москва. Играчот за врска е во завршни преговори со италијанскиот калчолигаш Рома, но понудата од „Олд трафорд“ секако може да ги промени неговите планови. Тој и во минатото најавуваше дека негова голема желба е да заигра во Премиер – лигата.
Мурињо смета дека 22-годишниот Головин би бил одлична замена, а воедно и наследник на Хуан Мата. Португалецот е подготвен дури и да го ослободи Мата, и заедно со Антони Марсијал да им дозволи да си побараат нова средина ова лето.
Претходно интерес за Головин искажаа и Јувентус и Барселона, но без конкретна понуда за најдобриот руски фудбалер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
