Португалскиот стратег Жозе Мурињо остави силна трага во Челси кого го водеше до три наслови во Премиерлигата во два мандати.
Поранешниот играч и капитен на Челси, Џон Тери открива дека Жозе имал „неверојатно правило“ на чија основа ги лажел дури и судиите. Мурињо толку внимавал на секој детал, па тоа и влијаело да дојде до успесите.
„Мурињо сакаше само да победуваме. Не го интересираше ништо друго. Беше подготвен буквално на се за да има предност над противникот на терен“ – вели Тери и продолжува:
„Се сеќавам, имаше правило ако водиме со 1-0 и топката е испорачана во казнениот простор… ако двајца дефанзивци се заедно и двацата паднат на терен тогаш не мора да го напуштиш игралиштето. Последните 15 минути од мечот, мене и на Гери Кејхил ќе ни кажеше: ‘Кога топката ќе дојде во казнениот простор, погрижете се двајцата да паднете – удрете се некако еден со друг и двајцата паѓајте, затоа што двајцата не може да ве извади од терен’“.
Правилото беше, ако еден играч падне или се повреди тој мора да биде изваден надвор од терен и играта продолжува. А, ако се двајца „настрадани“ нештата се поинакви, мора да останат на терен да им се укажува помош и тоа е одлично за губење време…
„Никогаш претходно не бевме чуле за тоа правило. Но, Мурињо тие работи до детал ги знаеше. Тоа е тој пропуст во системот, и Мурињо знаеше да го искористи“ – вели Тери.
Многумина во светот не се воодушевени од начинот на игра на Мурињо и неговото разбирање на фудбалот, но и тоа како се воодушевени од начинот на кој освојуваше трофеи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА