Хрватскиот репрезентативец Матео Ковачиќ престојното лето со сигурност ќе ја промени средината па сега веќе стартуваа бројните шпекулации околу неговата следна дестинација.
Ковачиќ е еден од фудбалерите без кои Манчестер Сити може да ја започне следната сезона и покрај тоа што неговиот договор е со важност до 2027 година. Во најавената смена на генерации ниту „граѓаните“ нема да имаат ништо против да заработат од неговото заминување. Покрај Атлетико Мадрид, кој прв пројави интерес за негов ангажман, сега во игра е и турски Фенербахче.
Познато е дека Хрватот е голема желба на Диего Симеоне, но очигледно е дека е голема желба и на Жозе Мурињо.
Според денешните информации, Фенербахче нема да штеди средства за да го доведе во своите редови, а финансиите може и да пресудат за негова преселба во Турција. Дел од турските медиуми пренесуваат дека Мурињо веќе се договорил првично за негово доаѓање во Фенербахче.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
