Легендарниот португалски тренер Жозе Мурињо кариерата ќе ја продолжи во Турција каде вчера на стадионот „Шукру Сарачоглу“ пред илјадници навивачи беше промовиран како нов тренер на Фербахче.
Поранешниот стратег на Порто, Челси, Интер, Реал Мадрид, Манчестер Јунајтед, Тотенхем и Рома вети дека ќе го врати трофејот во азискиот дел од Инстанбул, но и додавајќи дека веќе ја чувствува љубовта на навивачите и дека припаѓа на семејството.
„Вообичаено, тренерите се сакаат по победите, а во овој случај таа љубов веќе ја чувствувам и тоа е голема одговорност што ја чувствувам. Ви ветувам дека од овој момент припаѓам на ова семејство, овој дрес е мојата кожа“, рече Мурињо во своето обраќање до навивачите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
