Жозе Мурињо ќе ја предовди италијанската Рома од следната сезона. По отказот во Тотенхем, „Специјалниот“ ја прифати поканата на Рома и по повеќе од една деценија се врати во италијанскиот фудбал каде претходно го водеше Интер. Контрооверзниот Португалец беше повторно во центарот на вниманието, а тој овој пат потенцираше дека има освоено 25 ипол трофеи.
Мурињо е добро познат по своите настапи пред новинарите, а сега Жозе сам си постави прашање колку трофеи има освоени и сам си го одговори.
„Ако сакате може да ме прашате колку трофеи сум освоил во кариерата, 25 и половина! Половината е финалето кое не го играв со Тотенхем. Разочаран сум затоа што имав шанса да освојам трофеј со тим кој не освојува премногу трофеи. За многумина тоа би било сон“ – рече Жозе.
Мурињо освои скоро се што можеше во својата богата кариера. Тој беше двократен европски шампион (Порто, Интер) и освои титули во Португалија, Италија, Шпанија и Англија.
View this post on Instagram
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
