Жозе Мурињо порача на денешната прес-конференција во Манчестер дека Златан Ибрахимовиќ ќе остане во клубот и следната сезона, иако договорот му истекува сега во јуни.
„Тој ќе остане со нас, затоа што почетниот договор беше да дојде на една сезона, а на нас е потоа да одлучиме дали ќе го задржиме уште една. Што значи, гледам дека останува кај нас по оваа негова одлична и успешна прва сезона. Мислам дека Златан ќе биде од клучна важност во следната сезона за нашиот тим“ – истакна Мурињо.
Ибрахимовиќ оваа сезона одигра вкупно 38 натпревари во дресот на Јунајтед постигнувајќи и 26 гола со седум асистенции. На „Олд трафорд“ пристигна откако му заврши договорот со ПСЖ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
