Aктуелниот шампион на Македонија, МЗТ Скопје Аеродром полесно од очекуваното стигна до нова победа во Првата лига откако вечерва славеше на гостински терен кај МКК Куманово со 67-83 во меч од 15. коло.
Гостите подобро го отворија натпреварот и веќе по првите десет минути имаа предност од седум поени 19-26. Таа до полувреме изнесуваше и девет (33-42). Во вториот дел разликата само се зголемуваше за конечни 67-83. Бојан Крстевски со 26 поени беше прво име кај победникот, додека кај поразените недоволни беа 28 поени на Тадија Тадиќ.
До лесна победа стигна и Шкупи кој го прегази Вардар со 95-115. Секој Сила беше неверојатен кај гостинот откако натпреварот го заврши со 46 поени и 24 скока. Кај поразените Настовски постигна 24 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
