Кошаркарите на МЗТ дојдоа до убедлив триумф над Феникс во 10. коло во кошаркарската Прва лига. На крајот славеа со 29 поени разлика, односно 92-63.
Иако гостите парираа во првата четврина, кога заминаа само со негатива од два поени, сепак, во сите други четвртини до крајот целосна доминација на „металците“ за на крајот убедлив триумф, седми во сезоната.
Репрезентативецот Бојан Крстевски беше најефикасен со 20 поени и седум скока. Адетукаси беше најдобриот поединец кај Феникс со 15 поени.
Во вториот меч, ТФТ го совлада тимот на Тиквеш со 90-86. Мечот имаше далеку понеизвесен финиш од дуелот МЗТ – Феникс. Гостите се обидоа да се вратат, но не успеаја, па така тимот од Тафталиџе стигна до победата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
