Македонските кошаркаркараски прволигаш МЗТ Скопје и ТФТ ги добија своите противници во лигашкиот дел од АБА 2 лигата.
Актуелниот македонски шампион МЗТ Скопје според новиот формат налик на тој од фудбалската Лига на шампиони успеа да ги избегне најголемите фаворити Цибона и Морнар.
Аеродромци новата сезона ќе ја отворат на домашен терен против Вршац, по што следуваат две гостувања кај Сутјеска и кај Студент. Македонскиот првак до крајот на регуларниот дел од сезоната на домашен терен ќе ги пречека Јахорина, Војводина и Подгорица, а ќе им гостува на Златибор и Широки.
ТФТ, пак, сезоната ќе ја почне на гости кај поранешниот европски првак Цибона, по што дома ќе игра против Војводина, Хелиос, Слобода Тузла и Студент, а ќе им гостува уште и на Широки и на Борац Бања Лука.
Сезоната почнува на 7. октомври, а пласман во плејофот ќе обезбедат осумте најдобри екипи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
