Македонскиот шампион МЗТ Скопје со победа над Цедевита од 87-82 стави крај на настапите во АБА 2 лигата сезонава.
„Металците“ славеа во шестото коло во меч во кој пресуди последната четвртина која македонскиот тим ја доби со 23-14. Претходно, МЗТ почна квалитетно во натпреварот добивајќи ги првите две четвртини, со предност од 46-42 на полувремето.
Но, откако гостите го добија третиот период од играта со 18-26, потоа следеше одличен финиш за конечна победа од 87-82.
Најдобар поединец во редовите на македонскиот шампион беше Војдан Стојановски со 17 поени, четири асистенции и два скока, а Маслинко заврши со 12 поени, пет скока и две асистенции. Кај Цедевита се издвои Расиќ со 17 поени.
На крај, МЗТ Скопје заврши на третото место во Групата А, завршувајќи го настапот во АБА2 лигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
