Кошаркарите на МЗТ Скопје Аеродром ја одбранија титулата во Суперкупот „Драган Василов Цевка“ откако вечерва во СРЦ „Кале“ славеа над финалистот од купот од минатата сезона Феникс со убедливи 76-54.
„Металците“ подобро го отворија натпреварот и по десет минути игра имаа позитива од четири поени 19-15. Избраниците на Денис Дервишевиќ одиграа одлично во вториот период. Се држеа во егал во сите десет минути и на пауза заминаа со истата негатива од првиот период од четири поени (33-29).
Клучната разлика тимот од Аеродром ја направи во третиот период во кој кошаркарите на МЗТ одиграа неверојатно во нападот, па во последната четвртина заминаа со предност од големи 60-44.
До крајот избраниците на Васко Атанасов само рутински го приведоа мечот за конечни 76-54 и нов трофеј во Суперкупот. Војдан Стојановски со 13 поени беше прво име во таборот на победникот, а со 12 го следеше Садрик Расел. Кај поразените недоволни беа 18 поени на Даниел Шакур.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
