Американецот Седрик Расел од денеска и официјално повеќе не е кошаркар на МЗТ Скопје Аеродром, откако со него беше потпишан спогодбен раскин на договорот.
„Оваа одлука e донесена во заеднички интерес, со цел двете страни да пронајдат подобри опции за до крајот на сезоната“ – информираат од КК МЗТ Скопје Аеродром.
Американскиот бек во домашното првенство одигра 13 средби со просечна реализација на 10 поени со не баш сјајна 39,8% прецизност, додека во АБА2 настапи на осум меча со просек од 13 поени со за нијанса попрецизен шут.
„Управата на клубот веќе е во потрага по поквалитетна опција на бековската позиција, со цел тимот да влезе уште посилен во вториот дел од сезоната во кој атакуваме на домашните трофеи како и на што е можно подобар пласман во регионалното натпреварување“ – велат од МЗТ Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
