Кошаркарите на актуелниот шампион на Македонија, МЗТ Скопје Аеродром запишаа нова победа во домашното првенство откако вечерва славеа на домашен терен против Гостивар со 84-73 во меч од 15. коло од Суперлигата.
Првиот период ни донесе тврда игра во која подобро се снајде домаќинот и по десет минути игра имаше предност од 15-13. Слично се движеше натпреварот и во втората четвртина во која пак за нијанса подобри беа гостите, па на пауза се замина со резултат 33-32.
Избраниците на Васко Атанасов одиграа феноменален трет период по кој дојдоа до двоцифрена предност од 59-48. До крајот успеаја да ја задржат предноста за конечен триумф од 84-73.
Илајџа Меккеден со 23 поени беше најефикасен кај победникот, додека кај поразените Јован Црниќ постигна 21 поен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
