Актуелниот шампион на Македонија, МЗТ Скопје Аеродром стигна до убедлив триумф на домашен терен против МКК Куманово од 73-60 во дерби натпреварот од 5. коло од новата сезона во Првата кошаркарска лига на Македонија.
Во првата четвртина и двата тима одиграа силно во одбраната па сето тоа резултираше по десет минути игра на семафорот да стои нерешено 12-12. Аеродромци одиграа за нијанса подобро во нападот во вториот период што беше доволно за на пауза да заминат со позитива од 29-23.
Во второто полувреме избраниците на Васко Атанасов успеаја да го урнат отпорот на противникот и на крајот да стигнат до изненадувачки лесен триумф од 73-60. Чарлс Гил со 23 поени беше прво име кај победникот, додека кај поразените Александар Радукиќ постигна 17 поени.
До лесна и убедлива победа стигна и Работнички против Гостивар (75-50). Џордан Онил со 20 поени беше најдобар поединец кај победникот, додека кај поразените Глен Абрам постигна 18 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
