МЗТ Скопје донесе одлично засилување во пресрет на новата сезона откако македонскиот првак утрово го официјализираше камбекот на крилниот центар Хуан Дејвис.
Овој 29-годишен крилен ценнтар пред три сезони настапуваше за МЗТ и даде значаен придонес во одличната сезона во која „металците“ обезбедија и влез во АБА1 лигата. Тој потоа се пресели во Задар, но летово ја прифати понудата за камбек меѓу аеродромци и ќе биде значаен адут на треерот Атанасов во сезоната што следи.
„Американецот Хуан Дејвис (29 год, 203 см) повторно ќе игра во сино-белиот дрес, кој повеќе од успешно го носеше во сезоната 2021/22. Станува збор за искусен крилен кошаркар, кој доаѓа на местото на сонародникот Грег Џонсон, кој не ги мина лекарските прегледи и мораше да замине. Дејвис потпиша договор за до крајот на сезоната“, објави МЗТ Скопје.
Дејвис доаѓа на местото на Грегори Џонсон, американскиот кошаркар кој дојде повреден во Скопје и македонскиот првак експресно ја прекиан соработката со него.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
