Баерн Минхен успеа да го освои првиот трофеј на почетокот од новата сезона победувајќи го Штутгарт со 2-1 во финалето на германскиот Суперкуп. Херој на Баварците беше Луис Дијаз, кој во првиот официјален натпревар за овој клуб успеа да постигне деби гол што на крајот му го донесе на Баерн трофејот од Суперкупот.
Она што привлече најголемо внимание беше прославата на Дијаз, која беше во стилот на трагично загинатиот Диого Жота. На овој начин, Колумбиецот му оддаде почит на својот довчерашен соиграч од Ливерпул.
На овој начин, тој донекаде ги запре критиките што траат речиси два месеци, сè затоа што Дијаз не се појави на погребот на Жота и неговиот брат Андре Силва, а на денот на погребот беше на забава во Колумбија.
Дијаз беше жестоко критикуван од навивачите на Ливерпул и многумина веруваат дека ова е главната причина зошто клубот толку лесно одлучи да го пушти во Баерн.
Сепак, откако му го посвети својот деби гол во дресот на Баерн на Жота, тој за прв пат проговори за трагичната смрт на португалскиот репрезентативец, која ја потресе јавноста пред речиси два месеци. Дијаз рече дека сè уште е во шок од она што им се случи на Жота и неговиот брат и дека не може да прифати дека тие повеќе не се со нас.
„Сето ова е толку брутално… Фактот дека тој си замина и дека изгубивме неверојатен соиграч е нешто во што сè уште не можам да поверувам. Никој од нас не беше подготвен да прими таква вест. Тој беше навистина одличен соиграч за мене“, рече Дијаз по деби-голот за Баерн.
🗣️ Luis Díaz: “Dedicating my first Bayern goal to Diogo Jota? It’s brutal. The fact that he’s no longer with us and that we’ve lost an incredible teammate is unbelievable. No one is prepared to receive this kind of news. He was a great teammate to me.” pic.twitter.com/rgpt1ToE3H
— The Touchline | 𝐓 (@TouchlineX) August 19, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
